Hordaland fylkeskommune
Postadresse: Postboks 7900, 5020 Bergen
Besøksadresse: Agnes Mowinckels gate 5, 5020 Bergen
Epost: DKS@hfk.no Telefon: 55 23 90 00 • Nettstad: http://www.hordaland.no/
Tracing - Vi lagar klassebok!
Produksjonsliste
Program

Tracing - Vi lagar klassebok!

Sjå alle bilete, videoar, lydklipp, vedlegg

Heile gruppa er med og lager ei klassebok kring tema «å høyre med». Eit arbeid med kaldnål på pleksiglas, som startar på skulen og blir fullført hos Foreningen Trykkeriet; der sidene blir prenta og boka bunden saman. 

Dette er et todelt prosjekt der tilsette frå Foreningen Trykkeriet først vitjar skulen for å introdusere arbeidet. Dei er igangsetjarar for idear som elevane legg fram. Seinare kjem elevane til trykkeriet der sjølve produksjonen går føre seg.

På skulen:
I denne delen av kurset blir elevane introduserte for temaet «å høyre med» og trykkemetoden kaldnål på pleksiglas. Dei startar med å snakke litt om korleis den kreative prosessen for kunstnarar fungerer, og at skissene/prosessen er ein viktig del av kva ein ender opp med til slutt. Elevene får kjenne på korleis teknikken å trace ulike bilde- og tekstelement kan vere. Ein kan lett misse noko av kontrollen når materialet er ei pleksiglasplate! Likeeins korleis ein med ulik tyngde på nåla kan få ulike nyansar i prent av bilde. Saman med utøvarane diskuterer dei boka som felles prosjekt, der ein byggjer ei historie sett saman av mange ulike stemmer – kvar side med individuell stemme utgjer sin del av heilskapen! Utstyret utøvarane har med blir igjen på skulen, og elevane arbeider vidare med utforminga av sidene, fram mot besøket i Foreningen Trykkeriet.

I Foreningen Trykkeriet:
Elevane kjem til trykkeriet med sine malar til ferdige sider, og får trykke sine eigne kaldnålstrykk med ei djuptrykkpresse der. Eitt sett med trykk vil så bli samla inn og bunde saman til ei felles klassebok. Elevane vil òg få trykke ekstra kaldnålstrykk dei sjølve kan behalde. På det viset får vi både eitt felles og fleire individuelle resultat. Korleis vi les dei endelege trykka, kjem an på om vi vel å sjå dei samla til ein heilskap, eller kvar for seg. Men bilda er dei same – og alle høyrer med!


Om utøvarar og produsentar

  • Arrangert av: Hordaland fylkeskommune
  • Kunstnarar / grupper: Foreningen Trykkeriet

Om kunstnar / utøvar / gruppe

Trykkeriet – Senter for Samtidsgrafikk: Starta opp i september 2010. Målsetjinga for senteret er å styrke samtidsgrafikken og gje hjelp, jobbmoglegheiter og vegleding for kunstnarar. Senteret arrangerer ulike formar for kurs, ‘artist talks’ og utstillingar. Trykkeriet blir drive av Asbjørn Hollerud og Daniel Persson.
Les meir om Foreningen Trykkeriet på deira heimeside.

Multimedia og vedlegg

Bilete

Førearbeid
Foto: Foreningen Trykkeriet

Publikumskommentarar:

Namn:
Skule:
Klasse:
Kommentar:
Visuell kunst
Trinn: VG1 - VG3
Praktisk informasjon
Kontaktperson produksjon
Arnulf Henriksen, tlf. 55 23 99 81
Programlengde
Verkstad på skulen: 90 minutt. Trykkeribesøk 3 timar.
Maks publikumsantal
25
Arena / rom
Innleiande verkstad: Stort klasserom, handverksal eller anna eigna på skulen. Trykkeveribesøk: I Foreningen Trykkeriet sin verkstad, Fjøsangerveien i Bergen.
Oppriggingstid
15 min.
Nedriggingstid
5 min.
Merknad
Skulen får utlevert naudsynt verktøy og materiale til verkstaden og vidare førearbeid. Transport: Hordaland fylkeskommune dekkjer ev. reiseutgifter til og frå Foreningen Trykkeriet. Sjå vedlegg.
Lenker
Vedlegg
Arrangørar
Arrangert av:
Hordaland fylkeskommune